Аламүдүн капчыгайы Бишкек шаарынан 30 км алыстыкта, деңиз деңгээлинен 1800-2000 м бийиктикте жайгашкан. Өсүмдүктөр дүйнөсү бай капчыгайда арча, кайың, карагат, ит мурун, карамык, чычырканак жана башка өсүмдүктүн көптөгөн түрлөрү өсөт. Капчыгайдын ичинен Аламүдүн дарыясы агат. Орто бөлүгүндө жылуу минералдуу булактардын негизинде курулган эс алуу жайы орун алган. Капчыгайдын жогору тарабында болсо аскалуу тоолор алыстан чептин урандыларына окшошсо, сүрдүү Ч. Айтматов (4650 м) жана Кыргызстан (4860 м) чокулары келген туристтердин көңүлүн дайыма өзүнө буруп келет.
Галерея
