Кыргызстандын туристтик аймактарын кыдыруунун жолдорунан бири – велотурлар. Экстремалдык спорттун сүйүүчүлөрү өлкөбүздүн бул багыттагы потенциалына баа беришери анык.
Топурак жана шагыл жолдордун, өрлөр жана эңкейиштердин арбындыгы велосипед сүйүүчүлөргө адреналиндин жетиштүү дозасын алууга толук шарт берет.
Туристтер арасында белгилүү маршруттар катары Ысык-Көл айланасын, Бишкек-Торугарт жана Бишкек-Ош трассаларын, Суусамыр-Соң Көл жана Ош-Сары Таш жолдорун, Каракол жана Чоң-Кемин капчыгайларын атоого болот.
Июнь-Октябрь айлары велотурлар үчүн эң ылайыктуу мезгил.