Кыргызстан, жайлоо туризминин мекени. Кыш өтүп, аба жылый баштаган мезгилде өлкөнүн ар кыл аймактарында жашаган чабандар үй бүлөсүн жана короодогу малдарын алышып, Тянь Шань жана Памир тоолорунун этегиндеги жайлоолорго көчүшөт. Жайлоодо ата-бабабыз жашап өткөн чыныгы көчмөн жашоону көрүүгө, кылымдарды карыткан салт жана үрп адаттарыбызды аңдап билүүгө болот. Жайлоодо гана накта кымыз ичип, даамдуу бешбармак жей аласыз. Убактыңызды текке өткөзгүңүз келбесе, анда сейилдеп, айлана-чөйрөдөгү кооздуктарга суктансаңыз болот. Же болбосо майда-барат жумуштарга кол кабыш кылуу менен үйдүн кожоюнун ыраазы кыласыз. Ал эми жайлоодо өткөзгөн түн, бул сиздин жашооңуздагы эң тынч жана бейпил түн болору шексиз.
Жайлоо турлары экстремалдык категориядагы эс алуу түрлөрүнө киргендиктен, ден соолугу начар же балдары менен болгон туристтерге ыңгайсыздыктарды жаратышы мүмкүн.
