Кыргызстанды, Борбордук Азиянын ден соолукту чыңдоо борбору, деп атоого өлкөбүздөгү табигый дарылык ресурстардын байлыгы толук мүмкүнчүлүк бере алат.
Ысык-Көл өрөөнү, Бир гана Кыргызстан эмес, бүткүл Борбордук Азиянын эң ири курорттук зонасы. Таза жана жумшак абалуу бөтөнчө микроклимат, көл суусу, жээк бойлой жана тоолуу аймактарда жайгашкан табигый минералдуу суулар жана дары баткактар кеңири спектрдеги ооруларды дарылоо үчүн эң мыкты негиз болуп эсептелет. Чолпон-Ата шаары жана айланасы, Жыргалаң жана Тамга айылдары, Жети Өгүз жана Алтын Арашан качыгайларында жайгашкан, атагы алыска кеткен курорт жана санаторийлерди ким гана билбейт.
Ал эми Чүй өрөөнүнө караштуу Ысык Ата жана Аламүдүн райондорундагы, ошондой эле Жалал Абад шаарындагы дарылоодо колдонулуучу минералдуу суулар жана баткактар да элге кеңири белгилүү.
