Ак илбирс – 3000-4000 метр бийиктиктеги тоолордо гана жашаган мышык сымалдуулардын сейрек түрү. Кыргыз жергеси дүйнө боюнча ак илбирстер эң көп байырлаган экинчи өлкө болуп эсептелет. Бул көрктүү жаныбарды Тянь Шань жана Памир Алай кырка тоолорунун бардык аймактарында кездештирүүгө болот. Акыркы жылдарда саны кескин азайып бара жаткан бул көрктүү жаныбардын саны азыркы учурда болжол менен 300гө гана жакын.